پاکستان کا دل کہلائے جانے والے شہر لاہور میں 5 اپریل بروز اتوار پاکستان سپر لیگ کا فائنل ہونے جا رہا ہے یہ وہ فائنل میچ ہے جس میں بڑھ چڑھ کر بے ہودگی ہوگی بے پردگی ہوگی کئی عزت دار لڑکیوں کے ساتھ بدتمیزی ہوگی جواری اس میچ پر بڑھ چڑھ کر جوا لگائیں گے اپنے مال برباد کریں ٓگے اور سب سے بڑی بات کہ لوگ اپنا وقت اور مال ضائع کریں گے ۔ میلاد شریف ختم پاک گیارہویں شریف اور جلوس میلاد پر بدعت بدعت کے فتوے لگانے والے اس وقت اپنی زبانوں کو یوں چبائے ہوئے ہیں جیسے قربانی کے بکرے کی زبان ذبح ہونے کے بعد اس کے دانتوں کے نیچے آ جاتی ہے ۔ لیکن جیسے ہی میلاد شریف کا مہینہ آئے گا انکی ان مردہ زبانوں میں جان آ جائے گی اور بدعت بدعت کی صدائیں آنا شروع ہو جائیں گی ۔
افسوس صد افسوس اس ایک میچ کے لئے آس پاس کے پورے علاقے کو سیل کر دیا گیا لوگوں کے گھروں کی گیس بند کر دی گئی تاجروں کے کاروبار بند کروا دیئے گئے اور تو اور اللہ کے گھر مسجد کو بھی معاف نہیں کیا گیا اور آئمہ مساجد و مؤذنین کو گھر روانہ کر دیا گیا ۔ ہم پوچھنا چاہتے ہیں کہ حکومت وقت کے پاس دھماکے روکنے کے لئے یہی ایک آپشن بچا تھا کہ مساجد کو بھی تالا لگا دیا جائے ؟؟ کیا یہ میچ طواف کعبہ کی طرح اہم ہے ؟؟ کیا یہ میچ تمہیں قبر میں سوالات کے جوابات دینے میں مدد دے گا ؟ کیا یہ میچ تمہیں جہنم کی آگ سے بچا سکتا ہے ؟؟
نوز شریف کو چاہیے کہ مساجد و مدارس کو تالے لگانے کی بجائے اپنے نظام حکومت کو درست کرے ۔ اپنی سیاست کا قبلہ درست کرے اپنا رخ مغرب سے موڑ کر مدینے کی طرف کرے پھر ہی ملک میں دہشت گردی ختم ہو سکتی ہے
دہشت گردی عذاب خداوندی ہے اور عذاب خداوندی مساجد کو تالے لگانے سے ختم نہیں ہوگا بلکہ مزید بڑھے گا
العیاذ باللہ
